Libbinin Şuşaya səfərdən boyun qaçırarkən verdiyi bəyanat tamamilə əsasız idi. Hətta ermənipərəst konqresmenlər də Azərbaycanın əleyhinə danışanda vurğunu Şuşanın üzərində qoymurlar. Ermənilərin özünün də təhtəlşüurunda Şuşa Azərbaycan şəhəridir.

Bunun çox sadə bir misalını yada salaq. Tar - şərqdə və Mərkəzi Asiyada geniş yayılmış musiqi alətlərindən biridir. Bu alət İran-Azərbaycan arealının məhsuludur, bütün vacib təkmilləşdirmələri də bu bölgədə baş verib. Şuşa tarın ikinci vətəndir; İran tarı ilə Azərbaycan tarı məhz Şuşada ayrılıb. Şuşalı Xarrat Qulu tarın simlərinin sayını artırıb, onu dizin üstündən sinəyə qaldırıb. Halbuki, İran tarı indiyə qədər diz üstündə çalınır.

Maraqlıdır ki, ermənilər bu gün tarı iranlılar kimi deyil, məhz azərbaycanlılar kimi, yəni sinə üstündə çalırlar. Bu, erməni təhtəşüurunda Şuşanın Azərbaycana məxsusluğu istiqamətində olan onlarla tutarlı arqumentdən biridir və səfirin bu diqqətinə çatdırılmalıdır.

Mübariz Əhmədoğlu
Siyasi İnnovasiya və Texnologiyalar Mərkəzinin direktoru
AzVision.az üçün